العودة   منتديات المصطبة > الأقسام الأسرية > عالم حواء - سيدتى - الزواج - تعليم فن الإتيكيت

عالم حواء - سيدتى - الزواج - تعليم فن الإتيكيت قسم خاص للمرأة، عالم المرأة، زواج، ثقافة زوجية، مشاكل الزواج، عادات وتقاليد


مواضيع ذات صلة مع كيف تصطادين عريسا (ممنوع دخول الولاد)
لعبة الصراااحه... (( ممنوع دخول الكذابيين )) من قسم منتدى المسابقات الترفيهية - مسابقات الأعضاء
أحسن طريقة لتربية الولاد اللي بيعاكسوا.. من قسم منتدى المهيسين فى الأرض - نكت مضحكة 2014
كيف تكون شيف ماهر (ممنوع دخول البنات) من قسم منتدى المهيسين فى الأرض - نكت مضحكة 2014
إهداء للبنات [ ممنوع دخول شباب المنتدى ] :d من قسم منتدى المهيسين فى الأرض - نكت مضحكة 2014
شوفوا الشباب بعد دخول الكلية من قسم عالم الرجل - أزياء رجالية - موضة - اكسسوارات

1 
أحلى دنيا



كيف تصطادين عريسا (ممنوع دخول الولاد)
نصيحة الى كل الفتيات
كيف تصطادين عريساً
وتحافظي عليه حتى كتب الكتاب


بصوا يابنات:

*لو جالك عريس متقوليش لحد من صحباتك
الحاجات دي بتتنظر وأنتي عارفه البنات عينيها وحشة


*لو واحدة من صحباتك جبتلك عريس إوعي تشوفيه أو توافقي عليه
لوكان عدل كانت خدته هي!


*هتقولي طب لو متجوزة
أقولك هتبقي عاوزاكي تاخدي واحد أقل من المنيل جوزها

*متفضحيش الدنيا أما يجيلك عريس أصبري شوية لما تمسكيه كويس
هتسيّحي لنفسك ع الفاضي وتتحسب عليكي خطوبة

*في أول مقابله لو لاقيتيه بيبص ف ساعته
قاعد مش على بعضه

وشه إتخطف وبان عليه خيبة الأمل
إعرفي إنك معجبتيهوش
إسبقي إنتي وقولي إنك رافضاه
متخليش واحد زي ده يقول أنه مش عاوزك

*متزعليش عليه ولا على غيره.
الرجالة زي الأتوبيسات واحد عدّى التاني جاي وراه

*لو معجبتيش أكتر من واحد إوعي تحسي بالإحباط
بكرة هيجي سيد سيدهم لحد عندك
إلا ما كان واحد..فيهم عدل

*مهما كنتي وحشة متقلقيش فيه اللي أوحش منك وإتجوزوا
الحمد لله الخطوبة تمت على خير
لولولوىىىىىىى
نيجى للى بعدهـا


*بصي ..عذبيه..طلعى عينه..بالأختصار : دوخيه
الراجل يحب يلعب دور الصياد
(من ايام الكهف بعيد عنكم ما أتغيرش)
البنت السهلة يدوبك يفكر فيها يومين ويدور على غيرها

*إوعي تقوليله بحبك أو عينيك عجباني
الراجل ميحبش كده أبدا

*إوعي تروحي ميعاده قبله
حاولي تتلكعي تروحي بعده بربع ساعه أو نص ساعه
الراجل لو إستناكي هيتعلق بيكي أكتر

*لو سألك عرفتي حد قبلي قوليله لا
حتى لو كنت مصاحبة رجالة مصر القديمة والجديدة

*لو حاول يوقعك ويقولك بحب الصراحه وكده،
برضه خليكي ناصحه
أنت عمرك ما عرفتي راجل غير باباكي طبعا

*هيقولك هسامحك وده ماضي
متصدقيش برضه الرجاله قلبهم أسود
وهيمسكها لك ذله العمر كله

*إحترمي أهلك متغلطيش فيهم قدامه

حتى لو كانوا بيئة وربش وحووشّ كمان!
علشان ميتجرأشي عليكي وعليهم
هيقول إذا كان أهلها بتعمل معاهم كده
هتعمل معايا ايه؟
هيعملك فيها مصلح اجتماعي حضرتة ويعيش عليكى !

*بلاش زن ورنات تليفونات ورسايل حب وهيام دول عالم

مش هيقدّر الحاجات دي
هيتغّر ويفتكر نفسه أحمد عز
وهو زي ما إنتي شايفاه قومي بصي لصورته ع الموبايل

*خليكي زي فوزية إوعي يمسك إيديكي
هيطمع فيكي ويفتكرك واحدة من إياهم
يرضيكي واحد ملوش لازمة زي ده يفتكرك واحده من إياهم!


*هيضغط عليكي باسم الحب
بأسم العواطف
بأسم أنكم في حكم المتجوزين
بأسم انتى مش واثقة فيا!!
إنك تروحي الشقه معاه

روحي!!!!
بس المرة الجاية مش هيبقي لوحده هيجيب معاه أصحابه انتى حرة انا نبهتك

*سيبيه يرغي براحته
وعدي الفشر اللي هيفشره عن البنات اللي دايبين في دباديب سيادته
إعملي إنك مصدقاه
مع أنك عارفه إنك لولا خايفة لا تبقي عانس مكنتش قبلتي بواحد زيه

*خليكي دايما في أحسن صورة
هيقولك بحبك تكوني على طبيعتك
بحبك من غير ماكياج أوعى تعملى كده
لأنه بيتلاءم عليكي عاوز يعرف أنتي حلوة فعلا وإلا دي بويه ..
خليه على عماه
احنا ما صدقنا وقعناه!





في النهايه دا كلو هزار:Smile04::Smile04:
مش عايزين حد يمر بتجربة هند صبري تاني:Smile08:





2 
Mofeed

اقتباس:
*متزعليش عليه ولا على غيره.
الرجالة زي الأتوبيسات واحد عدّى التاني جاي وراه


هههههههه
انتى بتاجرى فى الرجاله ولا ايه
حسيتك كانك بتبيعى فى كيلو اوتا
هههههه
.
توبيك هايل بجد
واكيد كل بنت زى هند صبرى
هههههههههههههههههههههههههههه
.
نايس توبيك (:



أدوات الموضوع
انواع عرض الموضوع


الساعة الآن 08:39 AM.



Powered by vBulletin® Copyright ©2000 - 2014, Jelsoft Enterprises Ltd.
Search Engine Optimization by vBSEO ©2011, Crawlability, Inc.
المواد المنشورة فى هذا الموقع لاتعبر بالضرورة عن وجهة نظر الإدارة وإنما تعبر عن وجهة نظر كاتبها.