العودة   منتديات المصطبة > الأقسام الترفيهية > منتدى المهيسين فى الأرض - نكت مضحكة 2014

منتدى المهيسين فى الأرض - نكت مضحكة 2014 إفتكاسات وتهييس ع الأخر، شوية فرفشة ملخبطة مع شوية نكت ومقالب متظبطة


مواضيع ذات صلة مع ازاى تبقى رزل هههههههههههههههههه اصلى p-:
الله يكون فى عونك يا بنى ربنا معاك هههههههههههههههههه من قسم منتدى المهيسين فى الأرض - نكت مضحكة 2014
تفاحة هههههههههههههههههه من قسم منتدى المهيسين فى الأرض - نكت مضحكة 2014
البرنس : ماتنخدعش ده اسم كلب الرئاسه ... شوفوا عايش ازاي واحنا عايشين ازاي !!!! من قسم أخبار مصر اليوم - مصر النهاردة - Egypt news 2014
كلمات جميلة تبقى في القلب من قسم المنتدى العام للمواضيع العامة
ازاي تعرفي ان زيت الزيتون ده اصلي؟؟ تابع للمسابقه ) من قسم طبخ - اكلات شعبية - حلويات - مشروبات - عصائر

1 
RoMaNt!C♥AnGeL


فى الكلية هتقابل صاحبك وهتقعدوا على أى كافيه

هيجى الجارسون سيب صحبك يطلب الأول


وبعدين استلم الجارسون بقى واديله نصيبه

قوله عندك برجر ؟ هيقولك اه

قوله حلو ؟ هيقولك تمام

قوله اوك يبقى اكتب واحد شاورمة

طب عندك كبده ؟ هيقولك ايوة قوله معمولة ازاى ؟

سيبه يرغى شوية وقوله انا اصلا مبحبش الكبدة فكك

حاول تطلب حاجات غريبة زى سندوتشات حلاوة طحينية

على اساس انك فى سجن أبو زعبل

أو سندوتشات بيض أو بتنجان أو لبن العصفور

أمسك فى الحاجات اللى مش موجودة كلها

المهم حاول تجيبله جفاف عقبال ماتطلب اللى انت عايزه


وأنت بتاكل بقى أتسلى على المخلل اللى مش عاجبك

أرمى شوية على التربيزة وشوية على الأرض أنت وذوقك بقى

لو معاك كاتشب مفيش مانع تكتب أول حرف من اسمك على التربيزة

ترسم قلب عادى يعنى المهم تخليله التربيزة شبه التورتة

ومتنساش تعيب على الأكل وأنت بتحاسب وكمان تقول الحساب غالى

فى المدرج أرشق نفسك بين أتنين متعرفهمش

وابتدى الشغل بقى أتعامل على إنك صاحبهم من قرن

يضحكوا على حاجة اضحك معاهم كده يعنى

المهم تركز معاهم كأنك من بقيت أهلهم ولا خلفوك ونسوك

أو طريقة تانية أتلكك لكل اللى جنبك كل ما حد ينطق كلمة

قوله لو سمحت أسكت عشان أفهم


لو مسكتش أنا هقول للدكتور والحركة دى رذلة ومستفزة جدا بس اشطه يعنى

وياسلام لو واحد وواحدة يبقى أنت كده جبت من الآخر


لو جنبك واحد بيكتب يبقى اتفتحتلك طاقة القدر

اقعد اسأله وعطله ومتخليهوش يكتب سطرين على بعض


استلم أى حد واسأله المحاضرة هتخلص امتى ؟

وكل فيمتو ثانية كده اسأله الساعة كام اصل أنا زهقت

طبعا هو اللى زهق وطهق من الكلية وبيقول ياريتنى ماكملت تعليم

وكره حياته كلها زى باقى الضحايا


عايز تعمل دماغ حلوة روح على شباك شئون الطلبة

المهم حاول تعمل أهبل وأنت داخل وعايز تقف أول واحد


هيرجعوك ورا تحاول تقف مكان أى حد وترذل على كله

هما أصلا بيبقوا واقفين مش طايقين نفسهم

لو واقف تانى واحد كده مفيش مانع تزق اللى قدامك تلبسه فى الشباك الحديد

هههههههههههههه

وتقول الله ياجماعة ياللى ورا متزقوش



ومن قبل ماينطق ولا كلمة تقعد تقوله

خلص يالا عشان غيرك ومتخليهوش يركز مع بتاع شئون الطلبة خالص


لما يجى دورك بقى بيبقوا عايزين يخلصوك ويكروتوك

واللى واقفين وراك فى الطابور مستنينك تغور فى داهية بفارغ الصبر

خد وقتك كأنك بتحجز فى سينما

و اسأل أسئلة كتير وكل مايقولك حاجة قوله مش فاهم

معلش قول تانى فهمنى أعمل أيه بالظبط لحد ماتشل أكبر عدد ممكن

وبكده يبقى أنت مارست هوايتك وقضيت يوم رذل


استنونى فى الدرس الجاى ازاى تبقى رزل هههههههههههههههههه اصلى p-:

هههههههههههههههه

...





3 
TraNsForMer

ههههههههههه

لا بجد مفيش بعد كدة رخامة


4 
بنوتة روشة

هههههههه يااااه هي دي الدروس ولا بلاش
شوفلنا عندك كده درس كيف ترفع الضغط وتجيب شلل في الصوابع



أدوات الموضوع
انواع عرض الموضوع


الساعة الآن 10:38 PM.



Powered by vBulletin® Copyright ©2000 - 2014, Jelsoft Enterprises Ltd.
Search Engine Optimization by vBSEO ©2011, Crawlability, Inc.
المواد المنشورة فى هذا الموقع لاتعبر بالضرورة عن وجهة نظر الإدارة وإنما تعبر عن وجهة نظر كاتبها.