مساحة إعلانية





العودة   منتديات المصطبة > الأقسام الأسرية > موضة - أزياء - مكياجات - احدث تسريحات الشعر

موضة - أزياء - مكياجات - احدث تسريحات الشعر موضة 2014، مكياجات، إكسسوارات، تسريحات شعر، أزياء 2014، ملابس حريمى


مواضيع ذات صلة مع كيفية الحفاظ على بشرة جميلة
لنملة تشرب من قطرات الندى من قسم صور 2014 - صور خلفيات - صور حب - صور منوعة
كيف تشرب البيبسي بطريقة رومانسية من قسم منتدى المهيسين فى الأرض - نكت مضحكة 2014
هل تعلم انك تشرب الخمر يوميا ! من قسم المنتدى العام للمواضيع العامة
ملف كامل عن الاظافر والعنايه بها - طرق العناية بالاظافر - كيفية الحفاظ علي الاظافر من قسم عالم حواء - سيدتى - الزواج - تعليم فن الإتيكيت

1 
shere

السلام عليكم

فى الشتاء كتيرا ما نتعرض الى تشقات القدمين والجفاف فى البشره ومشاكل البشره الكتير
وسوف نقضى تماما على كل مشاكل البشره مع هذه الوصفت الطبيعيه للاهتمام ببشرتك وتعطيرها

وصفة سحرية لتشققات القدمين
المقادير:

• ملعقة كبيرة كربونات صودا (هتلاقيها عن العطار)
• مقدار من النشا
• مقدار من الميه
• خل تفاح

الطريقة:
- دوّبي كربونات الصوديوم في الميه، ويفضّل تكون ميه فاترة، بعد كده حطّي فيها رجلك لمدة نصف ساعة، وبعدين اشطفيها بميه عادية جدا.

- بعدين حطّي نشا في علبة بودرة، ورشّي منها على رجلك وسيبيها لحد ما النشا تنشف تماما، وبعد كده انقعي شراب خفيف في خل تفاح أو خل عادي والبسيه، وبعدين البسي كيس بلاستيك وفوقه البسي شراب تقيل، والطريقة دي هتعمليها بالليل قبل ما تنامي، والصبح اغسلي رجلك بالميه العادية، وممكن تدعكيها بليفة خشنة أو حجر.

مع المواظبة على الوصفة دي مرة واحدة أسبوعيا، هتلاقي نتيجة هايلة وَقَدَم نظيفة ونضرة وناعمة وكمان لونها فاتح، وكمان التشققات هتتعالج بنسبة كبيرة جدا.


ماسك الخيار لنضارة البشرة

الماسك ده بيشيل البقع والنمش الخفيف والكلف، وبيدّي لمعة طبيعية للبشرة.

المقادير:
خيار
قطعة خميرة بيرة (في حجم عين الجمل)

الطريقة:

- هنبشر الخيار، ونحط عليه الخميرة، ونقلّبهم مع بعض لحد ما الخميرة تدوب.

- هنغسل بشرتنا بالميه السخنة ونحط الماسك على الوش كله والمنطقة حول العين وكمان منطقة الرقبة والصدر بالكامل، ونسيبه لمدة نصف ساعة وبعدين نشطف بشرتنا بالميه، وهنكرر الماسك ده مرتين أو 3 مرات في الأسبوع.

بلسم لترطيب الشفايف

المقادير:
• 1/ 2 ملعقة كبيرة شمع عسل
• ملعقة كبيرة ممسوحة عسل
• ملعقة صغيرة زيت لوز

الطريقة:

هنخلط المكوّنات كلها، ونحطها على نار هادية لحد ما الشمع يسيح، ويُفضّل إننا مانسيبوش لحد ما يسخن، وبعدين نصب الخليط في برطمان زجاج ونغطّيه ونحتفظ به في التلاجة، أو ممكن نخلّيه بره التلاجة ومع جو الشتاء هيتجمد.

هنحط من البلسم ده على شفايفنا يوميا قبل النوم، هتلاقوا نتيجة هايلة وشفايف ناعمة.


العسل لشفايف نضرة

الشفايف الصحية بتكون لونها بمبي، ويكون الجلد مشدود ومافيش عليها أي تشققات أو قشور، وفيه طريقة سهلة أوي ممكن نعملها يوميا علشان نحافظ على نضارة شفايفنا؛ هي إننا ندهنها بالعسل لمدة نصف ساعة، وبعدين نشطفها ونحط عليها زبدة كاكاو عادية، ومع الاستمرار في الطريقة دي هتبقى شفايفنا دايما ناعمة ونضرة، وده بلسم ممكن نعمله لشفايفنا بشكل يومي

ماسك الطمي مغربي

المقادير:
• طمي مغربي
• ميه سخنة

الطريقة:

هنحط الطمي المغربي -وطبعا أفضل طمي اللي بيكون لونه غامق- وبنضيف عليه مقدار من الميه السخنة علشان الطمي يذوب.

الماسك ده بينعّم البشرة ويفتّحها جدا، وكمان بيغذّيها وبيشيل الحبوب الصغيرة اللي بتبقى موجودة تحت الجلد.

ماسك الملح والليمون لسنفرة الجسم

المقادير:
ملعقة ملح كبيرة
عصير ليمونة
ملعقة زيت لوز حلو

الطريقة:

- بندوّب الليمون مع الملح، ونضيف عليه زيت اللوز الحلو.

- هنحط الخليط ده على جسمنا بعد الشاور، وممكن نحطه قبل الشاور ونعمل به تدليك للجسم، ونسيبه لمدة ساعة، وبعدين نشطف جسمنا بميه فقط.

- هحتفظ بالخليط ده في التلاجة ونقدر نستخدمه مرتين فقط في الأسبوع، وده يعتبر سنفرة سريعة للجسم بيدي له نعومة ولمعان وترطيب، وكمان بيفتح البشرة بفعل الليمون والملح.

ماسك النشا ومية الورد لسنفرة الجسم

المقادير:
1/ 2 كوب مية ورد
3 ملاعق سكر
3 ملاعق زيت زيتون
2 ملعقة كبيرة نشا (على حسب حجم الملعقة عندك)

الطريقة:

- هنحط السكر ومية الورد على النار، ونقلّبهم لحد ما السكر يدوب، وبعدين نضيف زيت الزيتون مع الاستمرار في التقليب لغاية ما الزيت يختلط بالميه، وفي الآخر هنضيف النشا، ونخلط المكونات مع بعض كويس لحد ما تتشكّل عجينة ناعمة أوي.

- هنفرد الماسك على جسمنا كله بعد ما ناخد شاور، ونعمل به تدليك بسيط على الجسم كله من أسفل لأعلى في اتجاه القلب، ونسيبه لمدة ساعة وبعدين نشطفه.

- هنستمر على الماسك يوميا لمدة شهر، وهنلاقي نتيجة هايلة؛ لأنه بيفتّح الجسم جدا وبيغذّيه وبيدّي له نعومة وترطيب.

ماسك الكيوي للوجه

المقادير:

حبة كيوي
ملعقة عسل نحل

الطريقة:

هنقطع الكيوي قطع صغيرة ونهرسه ونضيف عليه العسل، ونخلطهم مع بعض كويس أوي.

هنحط الماسك على البشرة ونسيبه لمدة نصف ساعة وبعدين نشطفه، وممكن نكرره مرة أو مرتين في الأسبوع، هيدّي للبشرة نعومة ولمعان وتغذية.


ماسكات الكيوي للبشرة والشعر

الكيوي ممكن نستخدمه كماسك للشعر وكمان لبشرة الوجه.

المقادير:
حبة كيوي
ملعقة صغيرة مية ورد
ملعقة صغيرة عسل أبيض

الطريقة:

- هنغسل الكيوي ونقشّره ونقطعه ونحطه في الخلاط مع مية الورد والعسل.

- الماسك ده ممكن نستخدمه للشعر الدهني والعادي، أما لو الشعر جاف فممكن نضيف له ملعقة زيت لوز أو زيت زيتون.

- هنغسل شعرنا ونحط الماسك على الشعر كله من الجذور لحد الأطراف، ونسيبه لمدة نصف ساعة أو ساعة إلا ربع، وبعدين نغسله تاني بالشامبو.

نصائح للتغلّب على اسمرار المناطق الحساسة

من المهم جدا إن الماسكات اللي بنستخدمها للوجه نحطها على المناطق الحساسة؛ لأن ناس كتير بتشتكي من السمار في المناطق دي، وعايزة أوضح إن اللي بيعمل سمار في المناطق دي عدة عوامل؛ منها:

1- عدم العناية الشخصية؛ يعني ناس كتير بتستخدم مزيل للعرق قبل ما تنام، ومابتهتمش تاخد شاور يومي قبل النوم.

2- المناطق دي مش بيوصل لها تهوية كافية، زي باقي أجزاء الجسم.

3- عدم الاهتمام بالمناطق دي بعمل ماسكات سنفرة أو مرطبة؛ زي اللي بنعملها للوش والجسم.

علشان كده بأؤكد مرة تانية إن أي ماسكات بنعملها لبشرة الوش، ممكن نستخدمها للعناية بالمناطق دي.

ماسك لتعطير الجسم

المقادير:
3 ملاعق كبيرة زيت لوز حلو
ملعقة متوسطة زيت برتقال عطري
ملعقة زيت الياسمين (اختياري)
ملعقة زيت اللافندر
ملعقة زيت مشمش
ملعقة عطر

الطريقة:

بنحط كل الزيوت مع بعض، ونحتفظ بالخليط في زجاجة، ونخلّيها في الحمام نستخدمها بعد الشاور.
هنحط الزيوت على جسمنا من أسفل لأعلى في اتجاه القلب، ونسيبهم لمدة 3 : 4 ساعات، وبعدين ناخد شاور تاني قبل ما ننام.

بالنسبة لزيت الجوجوبا وزيت جنين القمح نقدر نحطّهم على خليط الزيوت دي ونستخدمهم بعد سن 35 أو 40، وهو بيحتوي على فيتامين وكولاجين عالي جدا وبيبقوا مغذيين للبشرة في السن ده.





2 
فرح 11

مطلوبة هالوصفات للشتاء والبرد الجامددة.


أدوات الموضوع
انواع عرض الموضوع


الساعة الآن 07:01 PM.



Powered by vBulletin® Copyright ©2000 - 2014, Jelsoft Enterprises Ltd.
Search Engine Optimization by vBSEO ©2011, Crawlability, Inc.
المواد المنشورة فى هذا الموقع لاتعبر بالضرورة عن وجهة نظر الإدارة وإنما تعبر عن وجهة نظر كاتبها.