العودة   منتديات المصطبة > الأقسام العامة > المنتدى العام للمواضيع العامة

المنتدى العام للمواضيع العامة القضايا العامة التى تهدف إلى نشر الفائدة للجميع، المواضيع العامه يتم وضعها هنا


مواضيع ذات صلة مع زباله زباله بجد زباله
كيس زباله انقذتني من قسم منتدى القصص والروايات
هما دوووووووول زباله مصر والله ((ربنا يحرقهم)) من قسم المنتدى العام للمواضيع العامة

1 
غــنـــــوه حزيــــــــنه

زباله  زباله  بجد زباله

زباله زباله بجد زباله
أولا
عذرا على اسم الموضوع
بس فعلا ده موضوعنا اليوم


زباله  زباله  بجد زباله

لأ دي مش شتيمه

دي حقيقة وبنعشها


لأ وزباله كتيره كمان وفي كل حته

يمكن تكونوا عرفتوا بتكلم عن إيه

بتكلم عن حاجه هتجنني وهتجنن أى شخص بيحب النظافه والمحافظه على الرقي والتحضر

بجد كفايه .. كفايه رمي للزباله "القمامة" في كل مكان

مش عارفة ليه في ناس معتقدة ان الشارع ما هو الا تكبير لصفيحة الزباله ولو في إيدك ايه إرمية في الشارع وخلص نفسك

صعبة الكلمه دي فالنطق مش كده .. وبتحرج شويه ويمكن بعضكم يفضل اني اقول " قمامة " بدل زباله ... بس أنا شايفه ان دي اوقع

أنا مش هقولكم تعالوا ننظف الشوارع والاماكن الممتلئه بالزباله " القمامة " في كل حته وان دي الإيجابية لأ طبعاً خلينا واقعيين شوية

وكلامنا يبقي اقوال وأفعال في نفس الوقت .. مع إن الدين بيحثنا على إماطة الاذي عن الطريق والدليل على ذلك

الحديث الذي رواه أبو هريرة رَضِيَ اللَّهُ عَنْهُ ، قال رَسُول اللَّهِ صَلَّى اللَّهُ عَلَيْهِ وَسَلَّم : كل سلامى من الناس عليه صدقة كل يوم تطلع عليه الشمس، يعدل بين اثنين ، ويعين الرجل في دابته، ويحمله عليها ، ويرفع له عليها متاعه ، ويميـــــــــــــط الأذى عن الطــــــريق صدقة - صحيح ابن حبان

والسُلامى: هي العظام الدقيقة والمفاصل التي في جسم الإنسان ومعنى الحديث : أن تركيب هذه العظام وسلامتها من أعظم نعم الله على عباده فيحتاج كل عظم منها إلى صدقة يتصدق ابن آدم عنه بها ليكون ذلك شكراً لهذه النعمة.

من تلك الصدقات البسيطة

منها "إماطة الأذى عن الطريق" ، فتحول الأذى في طرقاتنا إلى كارثة ، لا.. ليس طرقاتنا وفقط ، بل وحتى سلالم عماراتنا التي أصبحت مرتعاً للأذى تعبث به الكلاب والقطط الضالة ،


وكذلك قول رسولنا الكريم

عن أبي هريرة قال : قال رسول الله صلى الله علية وسلم : الإيمان بضع وستون - أو سبعون – شعبة ، أعلاها لا إله إلا الله ، وأدناها إماطــــــــــــة الأذى عن الطــــــــريق ، والحياء شعبة من الإيمان - رواه مسلم والبخاري

وإماطته بمعنى : تنحيه وإزالته

وأيضاً

عن أبي هريرة قال : قال النبي : عُرضت علي أعمال أمتي حسنها وسيئها فوجدت في محاسن أعمالها الأذى يماط عن الطريق . ووجدت في مساوىء أعمالها النخامة تكون في المسجد لا تدفن - رواه مسلم

لكن كل اللى بطلبه مني ومنكم ومن كل واحد بيقرأ كلامي ده انه يبطل يرمي زبالة فالشوارع وفي كل حته

أقولكم على سر :) .. أنا كنت من سنتين برمي الزباله فالشارع عادي ومش شرط تكون زباله بالحجم الكبير ياعني

لأ خاااااااااااااااااالص أى حاجه في إيدي " كلينكس" مناديل ورقيه – لبان " علكة " أى حاجه صغيرة وكبيرة برمي على طول فالارض ... ومره واحده فوقت لنفسي وحسيت اني بعمل حاجه غلط واني مش مثال للمرأه المسلمة اللى المفروض ان اللى جواها هو هو اللى براها ..

ووالله العظيم من ساعتها وأنا ملتزمه بالمحافظة على نظافة كل حاجه حولي .. لدرجة أني لما بكون مع اصدقائي ويفكروا يعملو كده باخد منهم الزباله واخليها معايا لحد ما ادور على أى سلة للمهملات :) زى مابيكتبوا عليها

أنا مش عايزه ابقي رغايه وتزهقوا من كلامي بس بالله عليكم تعالوا من النهارده نبطل سلبيـــــــــــــــة بقي

يلا خليكم إيجاااااااااااااااااااااابيين ... وبطلوا رمي في الزباله " القمامة " في كل حته

عايزيين نكسب حسنات ونقعد النية من دلوقتــــــي

!!!!!!!!!!!!!!!!

سلسلة حسنات على الطريق :) .. أي بمعنى أوضح ازاي نكسب حسنات ونحن ماشيين في الشارع ومنا من يؤجر ومنا من يؤثم

أعتذر عن الاطاله .. وياريت كلنا نساهم في نشر الموضوع بقدر الإمكان

أختكم في الله





4 
ملكة بكبريائى

والله ياندى فى حكايه رمى الزباله والحاجت دى بفعل الانسان يعنى الانسان الى بيرمى زباله فى الشارع سورى فى اللفظ هو زى الزباله الى بيشيلها دى وبيرميها فى شوارع ناس
يعن تلاقى حد بيرمى عندكم انتم ومبيرميش فى شارعهم
مفروض يرمى فى الباسكت الى فى الشوارع او مكان بتاع رمى الزباله مش فى اى ركن
داحنا واحنا معدين قبل كدا من شارع ل قينا راجل حاطط تحت عربيه زباله يعنى ايه لاقرف دا
والى يرمى من البلكونه حاجات بصراحه بشعه ارمى زبالتكم فى الباسكت فى الشارع او البواب يجيى يرميها هو فى مكان رمى الزباله مش بالشكل دا
وربنا يصلح كل الناس


5 
sad smile

امممممممممممم
بس بصراحه اللي بيرمي الزباله في الشارع ده
هيكون طبعااا انسان مش نظيف وملهوووش
اي لزمه وبعديين هو ميقدرش انه يرمي زباله
في البيت بتاعه ليه بقي ميعتبرش ان الشارع
ده برده لازم نحترمه ومنرميش فيه اي شيء
بس للاسف الناس مبقتش ليها عقل او
دماغ انها تفكر بيها
وكمان النظافه من الايمان
ولو حد شال اي زباله في الارض
وحطها في صندوق القمامه
له سواب عند ربه
فلازم نحترم الشوارع كما اننا نحترم بيوتنا ايضا
ثانكس ساقمر
موضوع جميل جدااا
واسفه لو كنت انفعلت او قولت
كلمه مش حلوه انها تتقال
بس انا قولت كده عشان
لازم اننا نحترم الشوارع




أدوات الموضوع
انواع عرض الموضوع


الساعة الآن 11:38 AM.



Powered by vBulletin® Copyright ©2000 - 2014, Jelsoft Enterprises Ltd.
Search Engine Optimization by vBSEO ©2011, Crawlability, Inc.
المواد المنشورة فى هذا الموقع لاتعبر بالضرورة عن وجهة نظر الإدارة وإنما تعبر عن وجهة نظر كاتبها.